Reflexión sobre o meu PLE (Personal Learning Environment)

Continuando cas tarefas do Posgrao en Orientación Laboral, hoxe tivemos que reflexionar sobre o noso entorno persoal de aprendizaxe.

Para min un PLE é o entorno dixital no cal nos nutrimos para obter información e aprendizaxes formais e non formais, mediante o uso de ferramentas e recursos virtuais que nos permiten obter información, crear e compartir coñecementos.

Aquí vos deixo a imaxe do meu PLE inicial:

Fonte: Elaboración propia

Eu para o meu PLE, a ferramenta que viña empregando dende que a descubrín durante a carreira é symbaloo. Esta ferramenta permite ter un escritorio de organización na rede, e ter a un clic as páxinas que máis emprego, ademais permite a sua organizadas por cores segundo o uso que lle damos.

Mostrovos o meu Symbaloo:

Fonte: Symbaloo

Tanto o PLE, como a ferramenta anteriormente descrita, deben estar en constante actualización, pois en determinados momentos hai ferramentas que deixamos de empregar e outras que debemos engadir, como pasou neste ano onde plataformas como Zoom pasaron a formar parte case imprescindible das nosas vidas.

Para ver se podía incorporar unha nova ferramenta das propostas nunha das sesións do POLAB20, decidín darlle a oportunidade a Scoop.it, a cal serve para reunir información do noso interese e compartila.

O primeiro paso como en case todalas plataformas foi rexistrarme, eu optei por facelo dendo o email.

Cando comecei a navegar pola ferramenta, unha das primeira cousas que fixen foi crear un Topic co meu nome, logo procedín a unha búsqueda de temas do meu interese, no que tras a lectura de algún artigo engadino ao meu topic (pulsando publish) e outros artigos marqueinos para ler noutro momento (pulsando a imaxe de marcador).

Tras isto puiden comprobar como se gardaban os artigos seleccionados no meu Topic, e como tiña se gardaron os artigos que me interesaban ler

Tras estar navegando durante un tempo na páxina, déixovos a miña opinión persoal sobre esta plataforma.

A favor:

- Conta con bastantes e variados contidos de interese (vídeos, documentos...).
- Podes engadir contidos propios ou do teu interese

En contra:

- A versión gratuíta de esta ferramenta e moi limitada (non permite compartir noutras aplicacións, non deixa crear máis de un topic, non deixa customizar...)
- Non resulta tan intuitiva como outras aplicacións

Para finalizar, creo que esta ferramenta pode ser unha gran fonte na que obter contidos de interese e gardalos, sendo conscientes das limitacións da aplicación na súa versión gratuíta.

Se queredes saber máis:

- PLE segun Jordi Adell

- Tutorial Scoop.it

- PLE e Symbaloo