Presentación profesional: Cruz Refojos.

Presentación profesional: Cruz Refojos. 

Ola a todas_ grupo 11! son Cruz, educadora social e intérprete de LSE.

A miña traxectoria profesional está vinculada ás persoas maiores. Neste ámbito de intervención traballei durante 10 anos aproximadamente. 

Neses anos nunca deixei de formarme realicei o Máster en Dependencia e Xestión de SSSS, da Universidade da Coruña, Programa Superior de Mediación, Uned, formacións en igualdade, Atención Centrada na persoa…  

Colaborei tamén varios anos no grupo de estudos Geix, que pertence ao Colexio de Educadores e Educadoras de Galicia. 

Hai uns anos, empecei a ter outras inquietudes, polo que desde hai case dous anos decidín deixar a estabilidade laboral, a tranquilidade do coñecido e saír da zona de confort. 

Esta decisión levoume a traballar con mulleres con discapacidade intelectual e actualmente estou a levar a cabo un proxecto de empoderamiento feminino e de prevención en violencia de xénero nunha asociación. 

Cústame moito elixir unha soa canción, así que decido compartir esta xa me encantan: a canción e ela. 

Un dos libros que lín foi o de Lectura fácil, de Cristina Molares (o libro );aínda que non me encantou, sí que reflicte aspectos da intervención con persoas con discapacidade intelectual e volo recomendo. 

Un saúdo e vémonos online! 

A miña presentación profesional: Pilar Lago

 

Ola, son Pilar Lago. Fai xa uns anos rematei a Licenciatura en Dereito pola USC. Ó rematar atopei unha oferta de emprego nunha Empresa de Traballo Temporal facendo tarefas de prospección empresarial e pouco a pouco tamén adiqueime á selección de persoal. Mentras tanto seguin formándome e fixen o Master de RRHH na Escola de Negocios de Caixanova e  o de Técnico Superior en Prevención de riscos laborais na Confederación Empresarial de Ourense.

Despois de 15 anos no mesmo sector pero en diferentes empresas, decidín dar un xiro a miña vida e comencei a traballar como Prospectora laboral nun Programa Integrado de Emprego. Encantoume a experiencia e sigo traballando noutro Programa na actualidade, pero neste intre o fago como Orientadora. Entre contrato e contrato aproveitei para facer o Certificado de Profesionalidade de Docencia para o Emprego e xa traballei como Docente impartido clases de transversales.

Este son eu:

Así son eu, en branco e negro :-)

 

 

E como creo firmemente na formación continúa este ano, aproveitando que non é presencial, atópome aquí no Posgrado de Orientación Laboral do CIXUG xa que son das persoas ás que dissfruta aprendendo cousas novas e o confinamento fixo que pensara que agora ou nunca.  

Déixovos unha das miñas cancións preferidas en recordo das mulleres vítimas de violencia de xénero, un dos colectivos das miñas tarefas de orientación.

 

 

Deixavos unha recomendación de un libro que me marcou moi positivamente: A práctica da intelixencia emocional" de Daniel Goleman.

  

 

 

 

 

 

 

 

 

 

 

 

 

 

 

 

 

 

 

A miña presentación profesional: Viviana Chontasi

Ola a todas e a todos, chámome Viviana Chontasi, pero gústame máis que me chamen Vivi. Nacín en Ecuador pero hai dezaoito anos que vivo en España. 

                                                                                                    Máis ou menos eu son así =)
Acabei a carreira de Psicoloxía en 2013 e despois fixen un Máster en Intervención en Violencia contra as mulleres. Grazas aos coñecementos que adquirín na carreira e no Máster puiden traballar con grupos de autoaxuda de mulleres que viviron situacións de violencia de xénero, no Concello de Irun como técnica de igualdade e tamén puiden impartir formacións en igualdade. 
Ao longo da miña vida laboral traballei tamén noutros postos de traballo como por exemplo: camareira, dependenta de panadería, cociñeira, inventarista e repoñedora, e teño que dicir que cada posto de traballo ensinoume moito sobre as miñas capacidades persoais. 
Son unha persoa moi curiosa e gústame moito aprender e saber de todo. Agora mesmo non estou traballando, sen embargo estou facendo cousas que tiña pendente facer e que me interesaban moito como: aprender galego, estudar o FP de educación infantil no CIFP Compostela, estudar repostería e realizar o Posgrao de Orientación Laboral cofinanciado por CIXUG. 

Déixovos unha canción que me gusta moito:

 

 

 

A miña presentación profesional Jaime Bello González

 Ola son Jaime Bello, Graduado en Educación social pola USC, e conto tamén co ciclo superior en Animación Sociocultural.

Este son eu:

Jaime

A miña traxectoria profesional transcorre no eido da Educación non Formal (voluntariado, campamentos, viaxes, programas de educación ambienta, ludotecas, etc) que me permitiu traballar con diversos colectivos o longo de estes anos.

Na actualidade atópome estudando para a OPE de Educadores, e formándome no Posgrao Orientación Laboral ofertado polo CIXUG

Aquí vos deixo unha das miñas cancións preferidas:

Por último, déixovos este enlace a esta páxina onde podedes ver o resumo dun dos últimos libros que máis me gustou:

La verdad sobre el caso Harry Quebert

A miña presentación profesional: Amelia Carballa Pérez

Ola son Amelia Carballa, socióloga especializada na intervención directa con persoas. A miña experiencia laboral está enfocada cara a intervención social. 

Ao longo deste tempo traballei con diversos colectivos,  enriquecéndome tanto persoal como profesionalmente. Desenvolvinme en direferentes postos, moi interrelacionados entre sí, dentro da área de emprego e formación: Orientadora Laboral, Prospectora, Titora, Formadora, Preparadora Laboral, Consultora e Técnica de formación.

No que ten que ver coa miña experiencia profesional como Orientadora Laboral traballaei na xestión integral de Programas Integrados de Emprego (asociacións, fundacións, ong´s, consultoras de formación e entidades públicas) e coa axenda de Orientación da Xunta de Galicia (IOBE), tendo un importante volume de asesoramento profesional e laboral, acompañado dunhas altas porcentaxes de insercións laborais. 

 Dentro do ámbito da Consultoría realicei diferentes funcións entre as que destaco:

 - Intermediación e prospección laboral.
- Docencia de accións formativas relacionadas co emprego (técnicas de búsqueda de emprego, habilidades sociolaborais, competencias chave, entrevista de traballo e informática para o emprego 2.0)
- Convenios de colaboración con empresas, mediante prácticas non laborais e compromisos de contratación, tendo relación directa con elas en todo o territorio español.
- Xestión de subvencións.
- Estudos sociolóxicos diversos

Eu véxome así

Considérome unha persoa dinámica, metódica e que gosta de coidar ao detalle todo o que me propoño facer. Como creo na formación continua ao longo da vida, sobre todo sabendo que vivimos nuha sociedade cambiante, sigo a formarme e traballar no eido da consultoría e asesoramento profesional. Agora reciclándome co Posgrado Orientación Laboral Aberta do CIXUG.

Déixovos unha das miñas cancións de cabeceira: